Bitmynt

Handel Stoppet

Vi opplever for tida tekniske problem knytte til bankforbindelsen vår, og har difor mellombels stansa all handel.

Nye ordre og innbetalingar vil ikkje bli handsama før situasjonen er avklart. Vi har per no ingen konkret tidsplan, men saka har høgste prioritet hos oss. Oppdateringar vil bli publiserte her så snart vi har ny informasjon.

Velkommen til Bitmynt AS

Verksemda er flytta frå det gamle enkeltpersonsføretaket mitt, Sunde bitmynthandel, til Bitmynt AS. Planen vår er å utvide med nye tenester slik at alle kan leve av ein bitcoin-only-økonomi i Noreg utan bankkonto. Ei bitcoinlommebok og eit kredittkort vil vere nok. Seinare håpar vi å kunne gje ut dette kredittkortet også.

Sidan vilkåra for personvern for Sunde bitmynthandel er veldig klåre på at eg ikkje deler personleg informasjon med nokon, og Finanstilsynet seier klårt ifrå om at Sunde bitmynthandel ikkje kan identifisere kundar for Bitmynt AS, må alle kundar registrere seg på nytt. Vi beklagar dette, men vi får diverre ikkje gjort noko med det.

Bitmynt er framleis fokusert på personvern. Vi ynskjer ikkje å fortelje BankID, Vipps eller nokon andre kven kundane våre er. På grunn av dette, og for å redusere risikoen for svindel, kan du ikkje registrere deg med BankID (som krev at du har eit kundeforhold til ein bank). Vi gjer mykje manuelt arbeid sjølve for å unngå å dele informasjon med tredjepartsleverandørar som ikkje treng å vite at du eig bitcoin.

Sidan vi ikkje aksepterer BankID, treng vi eit bilete av gyldig ID (pass, nasjonalt ID-kort eller eit norsk førarkort), og vi må identifisere deg som eigar av ID. Det er to alternativ å velje mellom når du registrerer deg.

Vi arbeider framleis med nye brukarregistreringar med von om å vere ferdige med alle innan eit par veker. Alle som har registrert seg vil få (eller har fått) ein epost frå oss med detaljar om korleis du kjem i gong. Dersom du vil verte ein del av gjengen, trykk "Registrer" oppe til høgre.